Information  TÚlÚcharger / Telecargar

8¬. Relacion

La genealogia y declaracion de la descendencia y linages e generacion e origen de sus antepasados del se˝or Don domingo hernandez Ayopochtzin, la qual descendido de la generacion del viejo Totoltecatl Tzonpachtli y por otro nombre tlaylotlac teuhctli que es su apellido, Primer Rey que fue de Teotenanco. Cuixcoc. Temimilolco. este Rey es el tronco y principio de todos los Reyes y se˝ores e principes que a abido desta generacion naturales en este nuestro pueblo Amaquemecan en uno de los dichos dos primeros cinco se˝orÝos o principales barrios y cabešeras que llama Tzacualtitlan Tenanco Chiconcohuac que son llamados Eztlapictin Aztlantlaca chichimeca chicomoztoca Cuixcocca Temimilolca yhuipaneca šacÔca Teotenanca.

Compuesta y ordenada Por Don domingo de s. Anton Mu˝on chimalpahin Quauhtlehuanitzin nieto del [destruido: di]cho Se˝or Don domingo hernandez Ayopochtzin [destruido: na]tural en el dicho principal barrio y cabecera o Se[destruido: ˝orio] de tzacualtitlan tenenco chiconcohuac (que es de [destruido] el lugar de siete culebras) Amaquemecan Pro[destruido: vincia] de chalco que aunque indigno se ocupa tiene [destruido: a sus cuida]do la iglesia y casa de el glorioso y Sanctissimo Pa[destruido: triar]cha de los Monges Antonio Magno Abbad de la [destruido: muy] noble y gran ciudad de Mexico Tenuchtitlan [don]de se crio desde muy ni˝o a cuyo cargo esta de [destruido] ral Por la dicha yglesia y la casa de  mas de ve[destruido: inte] y seis a˝os hasta el dia de oy y pressente a˝o de 1620  

▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒▒          

Nican ompehua ontzinti, nican mottaz nican nic[destruido: ui] [fol. 225 v.] liuhtoc in cenca cualli in cenca nezcaliltlahtolli in itechpa tlahtohua yn inelhuayo in itepecho in itzintica yn itauhca yn itlahtollo in ipohualloca, in huehuenemiliztli motenehua Chronica, yn iuh nelhuayotica in yuh tzintitica yn yuh peuhtica huehuetlahtolli in huehuenemiliztenonotzaliztli yn icemihtauhca yn icentlahtollo yn icenpohualoca yn itepecho yn inelhuayo in ipan ceme yn macuiltlayacatl, inic macuilcan xeliuhtica tzontecoyotica tlahtocayotica yn tecpilaltepetl ini motenehua Chalchiuhmomozco Amaquemecan Chalco, yn oncan ypan yc ontlayacatl, yn quitocayotia Tzacualtitlan Tenanco Chiconcohuac, yn iuh tzintitica in yuh peuhtica in yuh quihtotiaque in yuh quitlalitehuaque inin huehuetlahtol in ye huecauh onemico in tlašohuehuetque in tla[destruido:šotl]ahtoque in tlašotlahtocapipiltin catca yn ill[destruido:amat]que in huehueyntin Teochichimeca catca yhuÔ [destruido] in iz ša tepa onemico, in tocihuan in tocolhuÔ [destruido: in tach]tonhuan in tomintonhuan in topiptonhuan [destruido: in to]chichicahuan, in yuhqui yn innenonotzal mo[destrido: chiuh]tiuh, yn otechcahuilitiaque yn intechcopa [destruido: tiqu]iša, in tineme axcan cahuipan. Ayc polihuiz [destruido: ayc yl]cahuiz, mochipa pialoz, ticpiazque yn tepil[destruido: hu]an in titeixhuihuan in teteyccahuan in titemin[destruido: to]nhuan in titepiptonhuan in titechichicahuan [destruido: i]n titetentzonhuan in titeyxquamolhuan in titeteyztihuan in titetlapallohuan in titehezšohua in titlayllotlacatepilhuan, in ipan otiyolque otitlacatque inic ▒▒ cetlaxillacalyacatl motenehua Tlayllotacan Tecpan, y huel [fol. 226r.] oncan catca yhuel oncan omotlahtocatillico yn izquintin in tlašohuehuetque in tlašotlahtoque Chichimeca in tlayllotlacatlahtoque in tlayllotlacateteuhctin, ynic mihtohua inin tlahtolli Tlayllotlacan TecpÔ pielli, auh yehica in ye huecauh ca chicuacen calpoltlaxillacalli, macehualli oncatca yn ipanin omoteneuh ce tzontecontlayacatl motenehua Tzacualtitlan Tenenco yhuan ome tlahtocayotl ypan catca oncan ipan inic ome calpoltlaxillacalli motocayotia Atlauhtlan, yece yn oncan in catca tlahtocayotl šan tlahtoquilotl mochiuhticatca yn ipan Tenancayotl auh ca yehuatl huel tachcauh catca in tlahtocayotl in ipan catca calpoltlaxillacalyacatl Tlayllotlacan oncan hueycan Tecpan catca ynic oncan huel pielli omochiuh ynin huehuenemiliztlahtolli nican ye motenehuaz. yn iuh niman ye onneciz auh yn omoteneuh Atlauhtlan ayc ompa ticuililozque, yehica ca nel amo yehuantin yn pialmochiuhtiuh in ye motenehuaz huhuenemiliztlahtolli, yhuan nican tocateneuhtoque yn izquintin yn aquique yn cenca huehueyntin oquichtin tiyacahuan yn cenca tlapaltique chicahuaque in tlašohuehuetque in tlašotlahtoque in tlašotlahtocapipiltin in motenehua Teochichimeca Heztlapictin Aztlan tlaca Chicomoztoca quinehuayan tlaca, Tzotz˘pan tlaca. Teotenanca cuixcocca Temimilolca Yhuipaneca. ăacanca. ca nahuintin in yn ehcoque yn ahcico in tlaltemoco in tlalmecehuaco ynic ontlamantin in huel achtopa tlatzonilpico cococayotica ^y nican Tolteca tzacualtitlan Tenanco. in quahuatl ymancan yn chiconcohuatl yyonoyan. Auh ye omoteneuh, ca macuilcan quiztica macuilcan xeliuhtica macuil [fol. 226 v.] tlayacatl ynic tzontecoyotica macuilli tlahtocayotica ynin ce altepetl mochiuhtica, yuhqui yn yn catqui y huel achto yc cetlayacatl y huel quiyacatihtica yn iuhqui ymiyahuayocan mochiuhtica altepetl ynic ce tlahtocantli oncan catca huey tecpan ytocayocan ytztlacošauhcan Chalchiuhmomozco. huel oncan in yn achtopa yc quinotzque Totolimpa Amaquemecan, ▒▒ auh ynic ontlayacatl yn iuhqui yc occan ymiyahuayocÔ mochiuhticatca altepetl ynicc occan tlahtocantli oncÔ catca no huey Tecpan catca, ye oncan in yn omoteneuh ytocayocan Tolteca tzacualtitlan tenanco chiconcohuac, Auh ynic Etlayacatl ynic Excan tlahtocantli oncan catca ytocayocan Tecuanipan. auh ynic nauhtlayacatl ynic nauhcan tlahtocantli oncan catca ytocayocan Panohuayan, auh ynic macuiltlayacatl ynic macuilcan tlahtocantli oncan ytocayocÔ tlayllotlacan, auh ynin omoteneuh ynic macuilcan quiztica ynic šan cepan catqui inic amo hueca mocauhtoque ynic šan netechantoque in macuiltlayacatl in macuilcan tlahtocayotl ynic macuilcan quiztica xeliuhtica altepetl yn icenmacuilcanixtican ic mocennotza mocentocayotia chalchiuhmomozco Amaquemecan ytenyocan ymachiyocan in totolimpa. quauhtlitempa in cepayauhtenco. in motenehua xilliquehuac xuchithualco Ayahuithualco, yn iztac šolli inmellan; yn cohuatl ymomanayan. yn ocellome ymnemiyan. yn tamoanchan. xuchitl icacan. yn oncan hecoque ahcico in tepehuaco huel achtopa in ye cuel teyxhuihuan. Temintonhuan no nahuintin yn huehueyntin y no cenca tlapaltique chicahuaque y tlašohuehuetque in tlašotlahtoque in tlašotlahtocapipiltin [fol. 227r.] in motenehua Teochichimeca ytztlacošauhque Tololimpaneca Amaquemeque. ynin nahuintin ca huel yehuantin yn achtopa nican tlaltemoco. yn tlalmacehuaco yn tlatzonilpico cococayotica yn oncan quitzintico quinelhuayotico quitepechotico. quitlalico yn omoteneuh centlayacatl altepetl ytlacošauhcan chalchiuhmomozco, ynic ye no quitocamacaco yca oc centetl yancuic tocaytl, ynic quitocayotique Amaquemecan ytemcopa mochiuh yn inteouh catca yn itoca Totollin. ye omoteneuh nahuintin in Chichimeca huallaque ce tlahtohuani hualmochiuhtia yhuan Eyntin tlašotlahtocapipiltin y ▒▒ hualteyacanque yn tiyacacahuan hualmochiuhtiaque yn quitzintico yn quitlallico altepetl. ynic ce in tlahtohuani hualmochiuhtia yehuatl in tlacatl Atonaltzin yn iteuhctoca hualmochiuhtia yn ipan quitlahtocatlallique quitocayotique chichimeca teuhctli, ynic ome ahšico huel ytiachcauhtzin yehuatl yn tlacatl tliltecatzin tlahtocapilli yn iteuhctoca hualmochiuhtia in ipan quiteuhctlahtocatlallique chichimeca yaotequihua, auh ynic Ey ahšico šÔ no ynteyccauhtzin yehuatl yn innepantla hehua in tlacatl ytoca Mapihuatzin, yn iteuhctoca hualmochiuhtia in ipan teuhctlahtocatlaliloc cohua yaotequihua, auh ynic nahui ahcico huel yntlatzin yehuatl yn tlacatl xuchitzin, auh ynin omoteneuhque nahuintin ahcico chichimeca, auh ca oc cenca yehuantin no nican huel teneuhticate yn omentin omoteneuhque tlašotlahtoque yn tlacatl Atonaltzin chichimeca teuhctli, yhuan yn  tlacatl Tliltecatzin Chi [fol. 227v] chimeca yaotequihua, yn itechpa ynin tlahtocatlacamecayotica. ynic quenin huel yehuantin tlahtocaquauhtzonme tlahtocatlacaxinachtin mochihuaco in tlahtocatlacamecayotica yn ipan yc cetlayacatl ytztlacošauhcayotl, yhuan ypan inic macuiltlayacatl yn omoteneuh Tlayllotlacayotl, yehica yn oncan in tlahtocanelhuayotl in tlahtocayotl yc peuh motlalli šan oncan hualla šan oncan hualquiz yn itztlacocauhcan y conpehualtico tlahtocayotl yn itoca Temiztzin teohua teuhctli, šan oncan yntech hualquiša yn itztlacošauhcan tlahtoque ynic mihtohua šan ic cectiticate ynin tlahtocatlacamecayotica. auh yn omoteneuhque omentin tlahtoque yn Atonaltzin chichimeca teuhctli, yhuan Tliltecatzin chi[falta: chi]meca yaotequihua ca huel yehuantin yntech hualpeuh hualtzintic yn intlahtocatzintitlizpehualiz in intlahtocatlacatiliz yn intlahtlocatlacamecayo. yn iuh tzintitica yn iuh peuhtica in motenehua ingenerašion yn izquintin in tlašochichimecateteuhctin in tlašochichimecatlahtoque yhuan teohuacateteuhctin teohuacatlahtoque motenehua ▒▒ reyesme, yhuan tzompÔhuacateuhctin tzompahuacatlahtoque//[entre lÝneas: motenehua duquesme] quezquintin yn tlašochichimecatepilhuan yn omotlahtocatillico ypÔ yc cetlayacatl altepetl ytztlacošauhcan yhuan tlayllotlacan, y tzompanhuacan Tecuanipan, Auh yn omoteneuh ynic ontlayacatl ypan Tolteca tzacualtitlan tenanco. chiconcohuac, yn oncan hecoque ahcico Bin ye cuel  temintonhuan. yn ša no nahuintin y no cenca huehueyntin y no cenca tlapiltique chicahuaque yn amo panahuiliztin in tlašohuehuetque yn tlašotlahtoque. in tlašotlahtocapipiltin, in ša no motenehua Teochichimeca Tulteca tzacualtitlan TenÔca [fol. 228r.] chiconcohuaca, ynin no nahuintin ca huel no yehuantin yn achtopa in šan cenacico šan huel nimÔ hualtetocatiaque in no nican tlaltemoco in tlalmacehuaco. in tlatzonilpico Cococayotica yn oncan quitzintico quinelhuayotico. quitepechotico quitlallico yn omoteneuh yc ontlayacatl altepetl Tulteca tzacualtitlan tenanco chiconcohuac Amaquemecan chalco, ye omoteneuh no nahuintin in yn chichimeca huallaque omentin yn tlahtoque hualmochiuhtiaque, yhuan omentin tlašotlahtocapipiltin yn ohualteyacanque in tiyacahuan hualmochiuhtiyaque, in quitzintico in quitlallico yc ontlayacatl altepetl ynic ce in tlahtohuani tlahtocatachcauh hualmochiuhtia yehuatl in tlacatl Quahuitzatzin, yn iteuhctoca hualmochiuhtia in ipan quitlahtocatlallique quitocayotihque tlayllotlac teuhctli, ynic ome ahcico tlahtohuani yehuatl in tlacatl huehue ytzquauhtzin, yn iteuhctoca hualmochiuhtia, yn ipan tlahtocatlaliloc Atlauhtecatl teuhctli, ynin omoteneuhque omentin huel tlahtoque catca, auh ynic e^ytin ahšico šan teuhctlahto yehuatl in tlacatl Quachipašoltzin yn iteuhctoca hualmochiuhtia yn ipan Teuhctlahtocatlaliloc Tlacateuhctli, auh ynic nahui ahšico šÔ no teuhctlahto yehuatl in tlacatl Teccizmitl ynin yn iteuhctoca hualmochiuhtia yn ipan Teuhctlatocatlaliloc Amilcatl teuhctli, auh ynin omoteneuhque nahuintin ahšico Chichimeca, auh ca oc cenca yehuantin no nican teneuhticate yn oc no omentin omoteneuhque tlašotlahtoque in tlacatl Quahuitzatzin tlaylotlac teuhctli, yhuan in tlacatl huehue ytzcuauhtzin Atlauhtecatl teuhctli, yn itechpa ynin tlahtocatlacamecayotica ynic [fol. 228v] ▒▒ quenin huel no yehuantin tlahtocaquauhtzonyome tlahtotlacaxinachtin mochihuaco in tlahtocatlacamecayotica yn ipan yc ontlayacatl tzacualtitlan Tenancayotl chiconcohuac, yhuan ycalpoltlaxillacalocmapan motenehua atlauhtlan, huel yehuantin intech hualpeuh hualtzintic yn intlahtocatzintilizpehualiz yn intlahtocatlacatiliz yn intlahtocamecayo yn iuh tzintitica yn iuh peuhtica in motenehua ingenerašion yn izquintin in tlašotlaylotlacateteuhctin in tlašotlaylotlacatlahtoque motenehua Reyesme. yhuan  atlauhtlan Duquesme, in tlašochichimecatepilhuan. yn omotlahtocatillico ypan yc ontlayacatl altepetl Tulteca tzacualtitlan Tenenco yhuan ymapan atlauhtlan, ynic occan catca tlahtocayotl yn ipan tzacualtitlan Tenancayotl, auh yn oc occan ypan calpoltlaxillacalli in motenehuaya tlacatecpan, yhuan amilco, ye omoteneuhque yn oncan ahšico šan Teuhctlahtoque motenehua Senadoresme yn oncan ocatca atle copilli corona quitlaliaya yn oncan oteuhctlahtoco. ynic mihtohua šan teuhctlahtoloyan catca ynic nauhcan tlahtolloyan catca ypan Tenancayotl, yhuan ša no cotonico. ša no popolihuico. ša no tlamico yn intlacamaceyo. yn omoteneuhque teuhctlahtoque yn oyeco yn otlahtoco yn ipan omoteneuh occan calpoltlaxillacalli tlacatecpÔ, yhuan amilco, catca oncan cotonico popolihuico yn ipÔ XII calli xihuitl 1465 a˝os in ihquac techpeuh tichalca. in tlacatl huehue Moteuhcšuma ylhuicamina chalchiuhtlatonac, Tlahtohuani Mexico TenuchtitlÔ. ynehuan yn itlahtoca Teyxtlaticauh yn itlahtocatenanamiccauh catca y huel ytiyachcauh catca in cenca tlapaltic chicahuac yn amo panahuiliztli catca in huey yaotachcauhcatca in tlacatl Tlacaeleltzin cihuacohuatl, auh yn omoteneuhque oc omentin tlahtoque [fol. 229r.] in tlacatl Quahuitzatzin tlaylotlac teuhctli, yhuan yn itehuapauhcauh yn itlahtocateyxtlahticauh yn itlahtocatenßnamicauh catca tlacatl huehue ytzcuauhtzin Atlauhtecatl teuhctli, ca amo can ocotonico amo can opolihuico amo can otlamico. yn iuh niman ye onnecitiuh yn itlahtocatlacamecayo ca oncatqui ca yoltica. in ye ixquichica ye centzonxihuitl ypan ▒▒ chiuhcnauhxihuitl axcan ynic ompa itech hualpeuhtica y yehuatl tlacatl Totoltecatl Tzompachtli tlaylotlac teuhtli, y huel achto intlahtocauh hualmochiuhtia Teotenanca. ynic ompa huallhuaque ynchan in oncan motenehua cuixcoc Temimilolco yhuipan ăacanco Teotenanco. auh yn omoteneuh tlahtohuani Totoltecatl T[z]ompachtli tlaylotlac teuhctli yehuatl in yttatzin catca yn omoteneuh tlacatl Quahuitzatzin tlaylotlac teuhtli, ^y nican hecoc ahcico ^y nican nemico. ynic yehuatl nican oquinchihuaco ytech oquizque ytlaquillohuan ytlahtocatlacamecayohuan, yn nahuintin ša tepan oquitoquillico tlahtoque in oncan in omotlahtocatilico. ^y tlacatl nuchhuetzin. yhuan in tlacatl cihuatlahtohuani Xiuhtoztzin. yhuan in tlacatl ytztlitzin, yhuan in tlacatl Huehue Chimalpahitzin mocauhqui, ynin yehuatl tlahtocatizquia tlaylotlacteuhctizquia auh šan quicauhque in tle ynic quicauhque Tenanca ynic oquitocayotique mocauhqui, auh ye yehuatl tlahtocatlaliloc yn iteyccauhtzin yn itoca Quauhtlehuanitzin, yehuantin in yn otlaylotlacteuhctico yn otlaylotlacatlahtocatico.

................................

 

haut