========08

Ynipan Ciudad mexico a 29 dias del mes de Junio de mill quiniento y noventa y tres años yxpan tzinco don antonio valeriano juez gouer{or} ynican ypan Ciudad mexico omopoceh ynin peticio oquimocaquilti ynitlaytlamiliz diego fran{co} yhuan omo tlanahuatilli.

Nehuatl diego fran{co} ni chane SanJuan tecpan caltitlan mixpantzinco ¨¨¨ yn tehuatzin gouer{or} niquitohua Caye axcan cempohualli omey xihuitl oquichiuh çe ytestamento ynyehuatl beatriz pampa ni can chane mexico ypan tlaxilacalli San Juan tecpan caltitlan auh ocan quitenehua ynictech macatia yn calli tlali chinamitl ceyntin tehuaya nehuatl diego fran{co} yhuan omentin Cihua no teyccahuan çe maria ynic ome Juana auh yniquac oquichiuh yn itestamento. auh ocan quiteneuhtia ynic totechpouhqui yncalli tlali yhuan chinamitl ypampa cateoyotica titepilhuan ytechtiquizque yntotatzin gaspar Lopez. auh yniquac omomiquili ynobtatzin gasparo lopez can notechca huilitia, yntipilhuan auh yn axcan çe tlacatl ytoca feliphe de S¨ tiago o techich Sacana maquilli yntocal yntotlal yhuan ychinan omo tleonechcaquilli

auh yn tehuatzin titlatohuani Cenca nimitz notlatlauhtilia manimân mixpantzinco neçiqui yn feliphe de San tiago maquimellahua ynquemin oquina macac ynocal ynotlal ynochinan ma mixpantzinco quixqui cuixamopocal amonotlal ynoquich tacanamacac manican mixpantzinco nelti chipahua ynin ¨¨¨neteylhuil yxquich no tlayllamiliz.

Nimanin ynipan çemilhuitl metztli xihuitl ynomoteneuh tlacpac. yn yehuatzin don Antonio Valeriano juez gouer{or} yn oquimocaquilti ynin peticio yntla y tlamiliz diego fran{co} ni mano mo tlana hua tilli ynic niman neçiz yxpantzinco feliphe de Santiago quito quiuh yn quemino calnamacac yhuan aqui tencopa maquinexti ynamauh ynin ycal ytlal ychinan ynicoquinamacac auh yn diego fran{co} oquinahuatique yhuan oquimacaque termino omilhuitl ynic quineltiliz ynquenin ycal ytlal ychinan yhuan yxpantzinco quinextiz testamento ynoquichiuhtia yninantzin beatriz papan. auh yn mo teylhuia quin caquiltizque nimanaxcan ynic miquin ma ca termino yhuan quin ma chiltizque ynquenin quitemacazque ynin formaçion yhuan quinemilizque ynin neteylhuil yuh motlanahuatili ynic nelli ni caca ytocatzin y firmatzin fecho mexico a 29 dias del mes de junio 1593.

Signature : Antonio valeriano Signature : Antemi Fran{co} xuarez Escri{o}

¾

Ynican Ciudad mexico a 25 dias del mes de Julio demill equinientos y noventa y tres años nehuatl ni escrivano yhuan ynixpan ?{es} nican motenehuazque yhuan yxpantzinco don Antonio Valeriano juez gover{or} onic caquilti yhuan onic machilti yn feliphe de Santiago yhuan yxpanomicpouh yninpeticio. Auh niman tlananquilli feliphe de santiago oquich Canic¨¨¨ ynamauh ynquenin omicnamacac calli tlali chinamitl yxpantzinco miquel ¨¨¨ yn gover{or} yuh oqui¨¨¨ ynixpan ?{?s} tlaxilacaleq^ ynocan chaneque yhuan regidor thomas Ximenez ynic nelli nicaca notoca yhuan no firma fecho v¨¨¨ma.

Signature Signature : Antemi Fran{co} xuarez Escri{o}

=09

Ynipan Ciudad mexico apostrero dia de junio de mill¨ yquinientos y noventa y tres años ynin petiçion yxpantzinco mopouh yn yehuatzin don antonio Valeriano juez gover{or} ynican ypan Ciudad mexico.

Y Nehuatl diego fran{co} chane San Juan tecpancaltitlan niquitohua Canixpan tzinco onez yeaxcan chicomilhuitl auh otinechmo maquilli termino ynic tictemacazque yn formaçion omilhuitl auh yeoquipanahui yn termino ye axcan chicomilhuitl ynamo quitemaca ? yn formaçion ynitoca feliphe de S¨ tiago ynocan chane tecpancaltitlan maoc çeppa axcan ca quiltillo maocquezquilhuitl termino xicmo maquilli auh yn tlacayac neçiz macaquiltilozque ynichan tlaca maquitecaquilti Escrivano yhuan ymixpan testigos auh nomochiuh maticmotiliz ynin formaçion yniomic temacac ynic tinech monemactiliz ynocal ynotlal ynochinan.

Cenca mimitz notlatlauhtillia ynoticmotili yn nopetiçion maniman ximotlana huatili ynic yazque ynichan feliphe de S¨ tiago quicaquiltizque yn tleyn nican miquitlani yhuan maxicmo maquilli termino ynic tlananqui tiquiuh auh yn tlaoquiz termino ynomotla nanquiliquich xicmochihuili sentençia ynic nic maçehuaz just{a}.

Auh ynoquimo caquilti yn yehuatzin don Antonio valeriano juez gover{or} ynin petiçion ynitla ytlani¨¨¨ diego fran{co} ynitechcopa ynineteylhuil yhuan feliphe de S¨ tiago omo tlanahuatilli ynic yez çe Escrivano ynichan feliphe de S¨ tiago qui calquiltiz ynitechcopa yeoppa momaca termino ynic quicquitemacaz yn for maçion yhuan nican neciz nican nixpan ynic quihualquicaz yn formaçion. auh yn tlaoquiz termino niman miquitaz yn audos ynic nicchihuaz senteçia yuh omotlanahuatilli ynic nelli nicaca yfirmatzin fecho v¨¨¨

Signature: Antonio valeriano Signature : Antemi Fran{co} xuarez Escri{o}